რუსეთ-საქართველოს ომის საბედისწერო შედეგები
ფართომასშტაბიანი განაღმვითი სამუშაოების მიუხედავად, შიდა ქართლში ფერმერები დღემდე პოულობენ აუფეთქებელ საბრძოლო მასალებს.
რუსეთ-საქართველოს ომის საბედისწერო შედეგები
ფართომასშტაბიანი განაღმვითი სამუშაოების მიუხედავად, შიდა ქართლში ფერმერები დღემდე პოულობენ აუფეთქებელ საბრძოლო მასალებს.
რუსეთ საქართველოს შორის მომხდარი ხანმოკლე ომიდან ოთხი წლის შემდეგ აუფეთქებელი საბრძოლო მასალების პოვნა ზოგჯერ ფატალური შედეგით მთავრდება.
შიდა ქართლის მოსახლეობა, განსაკუთრებით კი საქართველო-სამხრეთ ოსეთის „ადმინისტრაციულ საზღვართან“ ახლოს მცხოვრები მოსახლეობა დღემდე რისკის ქვეშ ცხოვრობს. ომის შემდეგ არაერთი განაღმვითი საუშაო ჩატარდა, თუმცა გაუნაღმავი სამხედრო მასალების აფეთქების შედეგად მშვიდობიანი მოსახლეობა კვლავ ზიანდება და იღუპება.
ორი აფეთქების შედეგად, წელს ერთი ადამიანი დაიღუპა და რვა ადამიანი დაიჭრა, ახალგორის მიმდებარე ტერიტორიზე.
აღნიშნული საკითხი ქართულ და ოსურ მხარეებს შორის განიხილებოდა ევროკავშირისა და ეუთოს მიერ დაფინანსებულ, ინცინდენტების პრევენციისა და მათზე რეაგირების მექანიზმის სამუშო ჯგუფის შეხვედრების ფარგლებში. შედეგად, საზღვრისპირა სოფლებში განაღმვითი სამუშაოები აღდგა. თუმცა, საზღვრის მოშორებით მცხოვრები მოსახლეობა აცხადებს, რომ მათაც ძალიან სჭირდებათ დახმარება.
2008 წლის აგვისტოს ომის განმავლობაში და შემდგომ, კასეტური ბომბების აფეთქებების შედეგად, დაიღუპა და დაზიანდა სამოცდაათი სამოქალაქო პირი. ინცინდენტებმა სოციალურ-ეკომომიკური ზიანიც გამოიწვია.
კასეტური ბომბები ერთ-ერთი ყველაზე ლეტალური იარაღია, რომელიც უამრავ მცირე ზომის ფეთქებად ნივთიერებას შეიცავს.
„წითელი ჯვრის“ განცხადებით, 2008 წლის ომის დროს, კასეტური ბომბები გამოიყენა როგორც რუსეთის, ასევე საქართველოს შეიარაღებულმა ძალებმა. აღსანიშნავია, რომ იმ დროისათვის საერთაშორისო თანამეგობრობა კასეტური ბომბების აკრძალვაზე მუშაობდა.
